எளிய ஸ்ரீ வித்யா சாதனை வழிகாட்டி

இந்த இணைப்பில் எளிய ஸ்ரீ வித்யா சாதனை வழிகாட்டி முழுமையான நூலினை தரவிறக்கி கொள்ளவும் 

நாம் சித்த வித்யா விஞ்ஞான வலைத்தளம் எதற்காக ஆரம்பித்தோம் என்று சரியாக தெரியவில்லை! சிறிதுகாலம் எமது குருதேவரிடம் பெற்றவற்றை பகிரும் தளமாக மட்டும் இருந்து வந்தது! அந்த வகையில் தகவல்களை பகிரும் தளமாகவே இயங்கியது! வாசித்த பலரும் எமக்கு தனிப்பட மின்னஞ்சல் மூலமும், நேரில், தொலைபேசியில் தாம் இறைசாதனையில் ஏற்படும் தடைகளையும் அவற்றை தெளிவாக்கி கொள்ள தகுந்த வழிகாட்டல் இல்லாமல் இருப்பதாகவும் எமது தளம் தமக்கு உதவியாகவும் இருப்பதாக கூறினார்கள்! அந்த வகையில் செயல்முறை ரீதியாக இந்த விடயம் தொடர்பாக வகுப்புக்கள் வைக்கும் படி பலர் விண்ணப்பித்து இருந்தனர். அதில் எமக்கு எதுவித உடன்பாடும் இல்லை! ஏனெனில் நாம் பயின்ற முறை குருவுடன் கூடவே இருந்து அவரிற்கு தேவையான சிறு சிறு உதவிகளை (குரு சேவை) செய்து கொண்டு நேரம் கிடைக்கும் போது அவர் தரும் உபதேசங்களை பெரும் பொக்கிஷமாக எண்ணி மனதில் பதிப்பித்துக்கொண்டு அவற்றை ஆராய்ந்து விளங்கி கொண்டு கூறப்பட்ட சாதனையினை பயிற்சிப்பது! ஆக நாம் கூற விரும்புவது “சாதனையில் முன்னேற விரும்பின் பொறுமையுடனும், சிரத்தையுடனும் குருவிடம் ஞானத்தினை பெற்று உங்கள் முயற்சியால் முன்னேறுங்கள்” என்பது! அதை விடுத்து புகழ் பாடுவதோ! போற்றி துதிப்பதோ எதுவித ஆன்ம முன்னேற்றத்தினையும் தரமாட்டாது! அந்த வகையில் எமது தளத்தினை வாசித்து உண்மையில் ஆன்ம முன்னேற்றம் பெற வேண்டும் என்று விரும்புபவர்களுக்கு என்ன உதவி எம்மால் செய்யமுடியும் என்ற எண்ணம் பலகாலமாகவே எம்மில் இருந்து வந்தது! அந்த வகையில் கடந்த 2013 நவராத்திரி இறுதியில் ஸ்ரீ பௌர்ணமி நாளில் குருதேவரின் பரிபூரண ஆசியுடன் எம்மை அண்டி வரும் சாதகர்களுக்கு தெய்வ சக்தியினை பெறும் ஸ்ரீ ஜோதி எனும் எளிய ஸ்ரீ வித்யா சாதனையினை பகிர்ந்து கொள்ள அனுமது கிடைத்தது.

இந்த சாதனை ஸ்ரீ போக நாத குருதேவர் பழனியில் புவனேஸ்வரி தாய் சக்தி கொண்டு தெய்வ சக்தியினை அருளுகின்ராறோ அந்த சாதனை அன்றி வேறல்ல!

இதனை வாசிக்க தொடங்கும் போது ஏற்படும் சாதனை தொடர்பான சந்தேகங்களை எமக்கு எழுதுங்கள்! கட்டாயம் விடை கிடைக்கும்!

உங்கள் வாழ்வில் ஸ்ரீ ஜோதி ஒளிரட்டும்! அனைத்து நன்மைகளும் தேடி வரட்டும்! தேவைப்படும் அனைவருடனும் பகிர்ந்து கொள்ளுங்கள்!

-     - சுமனன் -